Goreyê doneyanê Heyetê Weçînayîşî yê Berzî (YSK) weçînayîşê serekkomarîye yê 14ê gulane de Recep Tayyîp Erdoganî sse ra 49,49; Kemal Kiliçdarogluyî se ra 44,79; Sînan Oganî se ra 5,29 û Muharrem Înceyî zî se ra 0.43 rayî girewtî.

Goreyê nê doneyan weçînayîşê serekkomarîye turê diyînî rê mendo. Weçînayîşê seba turê diyînî 15 rojan ra pey do bêro kerdene.

Namzedê Îtîfaqê Milletî û Serekê CHPyî Kemal Kiliçdarogluyî şewe serekanê partîyanê îtîfaqî reyde eşkerayîya çapemenîye daye û pare kerd ke ê do qetî turê diyînî de ser bikewê.

Hetê bînî ra serê sibayî heyetê CHPyî YSK zîyaret kerd û pare kerd ke rayê teberê welatî hema zî hûmarîyenê û heta no kar zî biqedo şar do serê sindoqan de bimano..