Wekîlê HDPyî yê Amedî Îmam Taşçierî hêrişê nîjadperestî yê vera kurdan ercnayî.

Taşçierî da zanayene ke prosesanê serranê 1925, 1938, 1990an ra dima 5 serranê peyênan de konseptêko newe seba çinkerdişê kurdan kewt dewre û vat: ''Şarê kurdî, îqtîdar û dewleta tirke zî hol zanenê ke dewaya kurdan pabeyê çareserî yê. Çareserîye ra verî ê wazenê kurdan kêm bikerê. No hesab Rojhelatê Mîyanênî û 4 parçeyanê Kurdîstanî de yeno kerdene. Verî pê destê JÎTEMî nika zî pê destê hêzan ê paramîlîteran kurdî yenê qetilkerdene. Keyeyê Dedeogullariyî 20 serrî verî koçê Konya kerdbi, keyeyê Denîze Poyraz zî 30 serrî verî koçê Îzmîrî kerdbi. Wazenê kurdan rojawan de ca bikerê û dima înan bitersnê. AKP wazeno kurdan qels bikero. Kurdî zî ziwan statu û xoîdarekerdişî wazenê. Têkoşînê kurdan resa astêke.''

Taşçierî pare kerd ke tay cayan de binê erdî de çekî ameyî dîyene û vat: ''Şewatê daristanan de tay kesan waştêne biewnê nasnameyan ra. Nê hêzê paramîlîterî  nê çîyî goreyê xo nêkenê. Keso ke Qirkerdişê Konya kerdo, perwerde bîyo. Hînî kurdî raya xo nêdanê AKP, CHP, MHPyî partîyanê sîstemî. Kiştoxî binê pawitişê dewlete de bi tehetî têgêrenê. Ganî şarê kurdî vera hêrişan xo rêxistin bikero. Ganî şarê kurdî kuçeyan de vengê xo berz bikero. Ganî ma qala armancanê nê hêrişan bikerê û bi nê hawayî verê nê hêrişan bigêrê.''