Patîya Çepe ya Almanya ra vera zextê îqtîdarê AKP-MHPyî paştîdayîşê semedê HDPyî dewam kenê. Grûbêka wekîlanê Partîya Çepe badê kombîyayîşê grûbe,  Meclîsê Federalî de beyraqa HDPyî akerde û destbendkerdişê sîyasetmedaranê HDPyî şermezar kerd.

Hermserek Bernd Riexinger zî tede wekîlan ard ziwan ke bi destbendkerdişan yeno waştene ke verê muxalefetê demokratîkî yo ke vera rejîmê Erdoganî vejîyeno, bêro girewtene. Wekîlanê Partîya Çepe  ke hukmatê federalî ra waşt ke wa vera zextênê serê HDPyî têbigêro vat HDP vera zextan çok nêdano.

Dima wekîlan Bernd Riexinger, Gokaye Akbulut, Stefan Liebich, Michel Brandt, Cornelia Mohring, Ulla Jelpke, Simone Barrientos, Jorg Cezanne, Eva-Maria Schreiber, Jessica Tatti, Tobias Pflüger û Andrej Hunkoyî beyraqa HDPyî akerde û mesajê paştdayîşî da.