Wekîlanê DEM Partî vera darbeya qeyûmî ver bi Wezîrîya Karanê Zereyî rayraşîyayîşêk kerd. 

Rayraşîyayîşî ra Serekwekîlanê Koma DEM Partî Gulîstane Kiliç Koçyîgît û Sezaî Temellîyî verê Meclîsî de eşkerayîye daye.

Gulîstane Kiliç Koçyîgît eşkerayîye wende û ard ziwan ke şarî 31ê adare de mesajê xo dayo la îqtîdarî mesajê şarî fam nêkerdo. Gulîstane îfade kerd ke qeyûm vera îradeyê şaran darbe ya û na darbe do Colemêrgî ra vilayê pêro welatî biba. 

Gulîstane vat: ''Îqtîdar xîret keno ke Tirkîya de huqûqê xo awan bikero. Vera kurda huqûqêko cîya yeno caardene. Erdoganî vat 'bi huqûqî ameyo kerdene.' Kamyew huqûq? Ganî na bêhuqûqîye cade biqeda û leşkerê ke sewqê Colemêrgî bîyê apey bêrê ancene.''

Dima wekîlan bi sloganî ver bi Wezîrîya Karanê Zereyî rayraşîyayîşê xo kerd.