Wekîlanê HDPyî Tayyîp Temel û Murat Sarisaçî qebulkerdişê îdîanameyê qefilnayîşê HDPyî ANFyî rê ercna.

Tayyîp Temelî îfade kerd ke îdîaname zuran ser o ronîyayo û vat: ''AKP û MHPyî ra ber pêro hêzî amade yê ke HDP bipawê û paştî bidê ci. Manîdar o ke qirkerdişê Denîze Poyraz ra dima no îdîaname ame qebulkerdene. Pê nê qirkerdişî mesaj dîya terefgîranê HDPyî. Verî îdîaname amebi redkerdene. Ma vînenê no îdîanameyo ke ame qebulkerdene seyci yo. O çax Bahçelîyî Mehkemeya Qanûnê Bingeyî ra gef wendbi. Na dewa bi temamî vera kurdan dişmenî ya. Ê semedo ke HDP verê xo de asteng vînenê wina kenê. La ê do pê HDPyî nêeşkê.''

Murat Sarisaçî zî da zanayene ke şar hînî AKP meşrû nêvîneno coka AKP pê hêrişanê sey dewaya qefilnayîşî xirabîyanê xo mîyan keno. Sarisaçî vat: ''HDP têkoşînêkê meşrûyî keno. Netîceya na dewa de êyê ke seba qefilnayîşê partîyan xîret kenê do bin bikewê. Ma hêzê xo şarê xo ra gênê. Nê şarî bedelê giranî dayî. Ê seke şîrket ê polîtîkayan kenê û xîret kenê payan ser o bimanê. Ma mehkeme yan zî şîrketan ra hêzê xo nêgênê. Ma têkoşînê xo yê heqdarî ra hêz gênê.''