Dêrsime Dag 2018 de Amedî ra bîye wekîla HDPyî û nika zî Partîya Çep a Keske ra bîye namzede. Dêrsime Dag nika şarî rê qala Partîya Çep a Keske kena.

Dêrsime Dag mîyanê 5 serran de MEclîs de 404 vernîyazê persî, 13 vernîyazê qanûnî, 830 vernîyazê cigêrayîşî dayî. Dêrsime Dag keyeyêkê xizanî yê Amedî de dadîya xo ra bena û hema ke domane bîye keyeyê ci koçê Îstanbulî keno. Dage Îstanbul de rîyê asîmîlakerî nêzdî ra vînena.

Dage nika Îstanbul de karanê weçînayîşî kena. Bi taybetî dadîyê kurdî Dêrsime Dag ra zaf hes kenê. Dêrsime Dag kombîyayîşan de bi kurdkî qisey kena coka dadîyî aye nêzdîyê xo vînenê. 

Dage mîyanê têgêrayîşê ciwanan de dest pê têkoşînî kerdo. Ciwanê kurdî kêfweş ê ke embaza înan Meclîs de ya û meseleyanê înan goşdarî kena. Ciwanê ke kortejê 1ê Gulane de bîyê, înan dîyar kerd ke Dage teyna wekîlêke nîya embaza înan a zî. 

Kortejê Meclîsê Ciwanan ê Partîya Çep a Keske yê 1ê Gulane de ciwanêke seba Dêrsime Dag vat: ''Wexto ke ma vatêne 'Ma pê ciwanan dest pêkerd û ma do pê ciwanan peynîye bîyarê' ma teyna sloganêke nêvatêne. Şexsê embaze Dêrsime de ganî her kes bizano ke no têgêrayîş hertim 20 serre yo. Hertim xo paweno û ser keweno.''

Dêrsime Dag bîye embaza ciwanan, kênaya dadîyan. Her cayê Îstanbulî de a eleqeyêkê pîlî vînena û hetê cinî û ciwanan ra yena pêşwazîkerdene.

Dêrsime Dag venga pêro şaran dana ke 14ê gulane de raya xo bidê Partîya Çep a Keske.