Weşîya Zeynebe Celalîyan xirab bena, heqê ci yê tedawî yena astengkerdene
Zeynebe Celalîyana ke 18 serrî yo zîndananê Îranî de tepişte ya, rewşa ci ya weşîye xirabêr bena. Îdareyê zîndanî nêverdeno ke Zeynebe tedawî biba.
ZEYNEBE CELALÎYAN
Goreyê agahîyanê ke keyepelê înternetî de Vengê Tepişteyanê Kurdan û Îranî dayê rewşa weşîye ya Zeynebe cidî ya la heqê ci yê tedawî yeno binpaykerdene. Goreyê xebere Zeynebe de nêweşîyê çiman, gurçik û roqleyan est ê û ganî a amelîyat biba.
Ame parekerdene ke Zîndanê Yezdî de Zeynebe raşta îşkence û heqaretan yena.
Zeynebe Celalîyan 1982 de şaristanê Makoyî yê Rojhelatê Kurdîstanî de dadîya xo ra bîya. A 2007 de tepişîyaye.
