Înîsîyatîfê Şarî yê Kurdîstanî ke derheqê hêrişê vera bînaya HDPyî yê Îzmîrî ke xebetkara partîye Denîze Poyraz ameye qetilkerdene, de eşkerayîya nuştîkye daye nê vatî:

''Îqtîdarê AKPyî yo faşîst pê rêxistinanê dewlete çete yê sey DAÎŞî vera şarê ma provayê qirkerdişî keno. Îqtîdaro ke vera têkoşînê azadîye yê ma yo bêhempayî bin kewto, şarê ma yê sîvîlî hedef keno. Şarê ma qetil kenê ke bitersnê û peyserê game bidê eştene. Denîze Poyraze sey cinîyeke ameye hedefgirewtene. No tesaduf nêyo. Pê nê hêrişê wehşîyî dest pê qirkerkerdiş û hêrişan kerd.

Hinî karde resaye esteyî. Wextê bêvengmendişî nêyo. Ma mirênenê, qetil kenê. Ganî êyê ke wayîrê namus, wîjdan û ehleqî yê cade vejîyê kuçeyan  û nê wehşetî rê vajê nê. Bêvengîye qirkerdiş o. Bêvengîye semedê kurdan, sosyalîstan, demokratan û welaperweran merg o. Siba do erey bo. Siba nê, nika destê kamî/e ra çi yeno ganî bikero. Her kes wa keye û cayê karê xo ra vejîyo teber û bigîro. Ganî ma vengê xo berz bikerê, hêzê xo bikerê yew û qirkerdişan vindarnê. Wext wextê têkoşînî yo. Bimiro îqtîdaro faşîst, wa biciwîyo xoverdayîşo qehremankî yê şarê ma.''