Bi fermanê Serdozgerîya Komare ya Anqara endamê Heyetê Rayberdişê Merkezî yê HDPyî û HDPyîjê verênî zî tede 20 sîyasetmedarî 25ê êlule de ameybî destbendkerdene. Sîyasetmedarî Mudirîya Polîsan a Anqara de yenê tepiştene. Operasyon 7 şaristanan de amebi kerdene. Avûkatanê sîyasetmedaran da zanayene ke asayîş de hema zî îfadeyê muwekîlanê înan nêameyo girewtene û wextê nezaretî yê HDPyîjan do bêro dergkerdene.

Avûkatan ard ziwan ke derheqê tehqîqatî de 'bira nimite' esta û ê do vera dergkerdişê wextê nezaretî îtîraz bikerê. Avûkatan vat ê do xîret bikerê ke dozgerê tehqîqatî reyde pêvînayîş bikerê.