Serdozgerîya Komare ya Anqara derheqê endamê Heyetê Rayberdişê Merkezî yê HDPyî yê 2014î qerarê destbendkerdişî dabi û na çarçewe de 20 sîyasetmedarî 25ê êlule de ameybî destbendkerdene. Sîyasetmedarê destbendkerdeyî ameyî berdene bi Edlîyeya Anqara. Sîyasetmedarê ke vejîyayî mehkeme wextê nezaretî yê înan ame dergkerdene.

Sîyasetmedaran vera dergkerdişê destbendkerdian yew bi yew Dadgerîya Ceza ya Sulhî de pawitiş kerd. Wextê pawitişî de avûkatî nêgerîyayî zere. Seba ke muvekîlanê xo bibînê wexto kilm dîya avûkatan.

Sîyasetmedaranê destbendkerdeyan vera nê operasyonî û dergkerdişê nezaretî  nêrazîbîyayîşê xo ard ziwan. Sîyasetmedaran vat  destbendkerdişî ra heta şertanê nezaretî û dergekerdişê nezaretî heqê înan ameyî binpaykerdene û no nîno qebulkerdene. Sîysetmedaran waşt ke cade îfade bêro girwtene û wa wextê nezaretî mero dergkerdene. Dadgerîye waştişê dozgerîye esas girewt û wextê nezaretî seba 4 rojan kerd derg. Badê qerarî sîyasetmedarî newe ra ameye berdene Mudirîya Asayîşî ya Anqara.