Wezîrîya Edaletî ya Tirkî derheqê Îmraliyî de eşkerayîye daye ke Rayberê Şarê Kurdî Abdullah Ocalan tede binê tecrîdê giranî de yeno tepiştene. Wezîrîya Edaletî vat ekîbêkê teknîkî şîyo Îmrali û bînaya ke rîyê firtineyî ra xesar dîyo, tede cigêrayîş kerd.
Rayberê Şarê Kurdî Abdullah Ocalano ke Îmrali de binê tecrîdê giranî de yo, hîrê serrî yo tira xebere nîna girewtene. Wezîrîya Edaletî ya Tirkî dereheqê muneqeşeyanê "pêvînayîş"ê Îmraliyî de eşkerayîye daye û nê vatî:
"Firtinayê 5-7 sibatî de tay bînayanê ê Îmraliyî de xesar vejîya. Semedê cigêrayîş û kontrolkerdişî ekîbê tekînî yo ke tede çar kesî ca genê, 21ê adara 2023yî de şi Îmrali û semedê temîrî raporêk amade kerd. Tena bîyanayanê ke semedê asayîşî yenê şuxulnayene ke cigêrayîş ame kerdene. Cayo ke tepişte û hukmwerdeyî tede ûca de qet cigêrayîş û kontrol nêame kerdene. Belge û raştîye meydan de yê. Rixmê nê tay xebere û eşkerayîye ke yenê kerdene raşt nîyê. "
