Şaristanê Almanya yê Wuppertalî de derheqê tecrîdê giranî yê serê Rayberê Şarê Kurdî Abdullah Ocalanî û qeraro ke hetê Amerîka ra semedê serkêşanê Têgêrayîşê Azadîye ameyo girewtene de panelêk ame viraştene.
Wuppertal de derheqê tecrîdê giranî yê serê Ocalanî û qerarê Amerîka yê vera PKKyî de panelêk ame organîzekerdene.
Panelo ke Merkezê Komelê Kurdan ê Demokratîkî yê Wuppertalî de bi rêzgirewtişê seba vîrardişê şehîdanê şorişî dest pêkerd Hatîp Dîcle sey qiseykerdox tewrê ci bi. Dîcleyî vat ke komploya mîyanneteweyîye şeklêko newe girewto û ganî hêrişê hemverê serkêşanê Têgêrayîşê Azadîye na çarçiwaye de bêro famkerdene.
Dîcleyî wina vat: “Şarê ma do na komplo zî veng vejo. Xusûsen gurweyê pîlî kewenê serê milê şarê ma yo ke Ewropa de yo.”
Panelo ke bi pers û cewaban dewam kerd, bi slogananê “Bijî Serok Apo!”, “Bê Serok jiyan nabe!” qedîya.
