Goreyê zanayîşan tepişteyo sîyasî Mahsûm Pamay o 22 serre  Zîndanê Xarpêtî de çalakîya fedaîye viraşte û şehîd kewt.

Ame zanayene ke Paymay o ke Cîzîrê ya Şirnexî ra yo, îdareyê zîndanî xebere wefatê ey dayo keyeyê ci.

20’ê Sibate ra heta nika 7’ê înan tepişteyê sîyasîyî 8 kesan vera tecrîdî çalakîyê fedaîyî viraştî û şehîd bîyî. Nê çalakîyan ra dima Têgêrayîşê Azadîye yê Kurdan bi eşkerayîyan waştbi ke nê çalakîyî bêrê caverdayene û çalakîyê xokiştişî nê wa çalakîyê ke derbe danê dişmenî rê bêrê viraştene.