Netîceyê Musabeqaya Rojnamegerîye ya Musa Anterî û Şehîdanê Çapemenîya Azade ya 30. eşkera bîyî.

Musabeqa beşanê xeberanê bi tirkî, xeberanê bi kurdkî, fotograf, karîkatur û muxabîrîya cinîyan de ameye kerdene. 

Xelatî 22yê êlule de Îstanbul de bi merasîmêkî do bêrê dayene wayîranê ci.

Beşê xebera tirkî de xelate ameye dayene edîtorê Ajansê Mezopotamya Abdurrahman Gok ke tepişte yo.

Rojnamegerî Metîn Yoksu, Dîlane Pamuk û Îsmaîl Ari layîqê Xelata Jûrî ameyî dîyene.

Beşê Rojnamegerîya Cinîyan de Xelata Gurbetellî Ersoz layîqa rojnamegera îranije Nazîla Maroofian ameye dîyene.

Beşê xebera kurdkî de Ferîd Demîrel layîqê xelate ame dîyene.

Beşê fotografî de Ardil Batmaz û beşê karîkaturî de Erhan Yaşar Babalik layîqê xelate ameyî dîyene.

Xelata Rûmete zî ameye dayene MEBYA-DER.