Xeylêk merkezan de hêrişê vera govenda kurdan ameyî şermezarkerdene.

Amed

Serkêşîya DEM Partî de rayraşîyayîşêk ame kerdene. Rayraşîyayîş heta rayîrê nuşteyê 'Pêşî Peya' dewam kerd. Sere de Hemserekê DEM PArtî yê Amedî û DBPyî xeylêk kesî tewrê rayraşîyayîşî bîyî. Çalakîye de pankartî ameyî akerdeme. Hemsereka DBPyî ya Amedî Sultane Yaray eşkerayîye wende û ard ziwan ke her komel bi ziwan û kulturê xo est o û hêrişê vera kultur û ziwanê kurdan meşrû nîyê.

Adana

DEM Partî Parka Înonuyî de eşkerayîyêke daye çapemenîye. Girseyî pankarta 'Em bernadin vê dîlanê' akerde û sloganî vatî. Hemserekê DEM Partî yê Adana Seyfettîn Demîrî eşkerayîye wende. Demîrî vat ke hêrişê vera govenda kurdan provakasyon ê û govende xoverdayîş o, govend tarîx û nasnameyê kurdan o.  Eşkerayîye ra dima girseyî govende girewte.

Îzmîr

DBP, DEM Partî, TJA û Jin Art Huner (Jin Art) verê Îskeleyê Vapurî yê Konakî de pîya govende giewte û hêrişî şermezar kerdî. Girseyî çalakîye de sloganê sey ' "Bê ziman jiyan nabe" û "Zext nikarin me bitepisînin" vatî. Çalakîye bi deyîra 'Ez Xelef im' qedîyaye.