Emîne Şenyaşara ke mêrde û lajê ci hetê merdimanê Wekîlê AKPyî Îbrahîm Halîl Yildizî ra ameybî qetilkerdene 325 rojî yo lajê xo Ferît Şenyaşarî reyde nobeta edaletî de ya.

Emîne Şenyaşare nêweşîya xo ra keyeyê xo de nobete rê dewam kena. Ferît Şenyaşar zî rixmê hewayê serdî verê Edlîyeya Riha de yo.

Keyeyê Şenyaşarî hesabê xo yê medyaya dîjîtale de rêxistinê cinîyan etîket kerdî û vat: ''Xeylêk tewirê şîdetî estê, nînan ra yew zî 'bêedaletî' ya. Riha de cinîyêke 325 rojî yo verê çimanê her kesî de vera şîdetî xo ver dana. Şîdetê vera cinîyan şîdetê vera merdimîye yo. Cade peynîya nê şîdetî bîyarê.''