Bi nameyê girewteyanê dewaya PKK û PAJK'yî Denîz Kaya eşkerayêk daye.

MA DO SER BIKEWÊ

Eşkerayîya girewteyan wina ya:

“Bi grevê vêşanîye yê bêdem û bêagêrayîşî, ma cehd kenê ke na hevaltîya xo ya kême serê xo ra bierzê û ma soz danê ke ma do ganîyîyanê xo ver bi Rayberîye xo reyde sazkar bikerê. 21’ine komploya mîyannetewîyeyî, ma her çar parçeyanê Kurdistanî û Ewropa de hemleya ‘Ma do tecrîdî biqedênê, faşîzmî birijnê û Kurdistanî azad bikerê” kewenê ci. Ma do qetî ser bikewê. Ma girewteyê dewaya PKK û PAJK'yî yê hepisxaneyanê Vakûrê Kurdistanî û Tirkîya danê zanayene ke ma xoverdayîşê xo bi qerardarî gird kenê.

ŞIMA NÊEŞKENÊ CUYE TECRÎD BIKERÊ

Hêzê Kapîtalîst û komplogerî  21 serrî yo nêeşkenê komploye ser bikewê. Wazenê komploye aktuel bikerê. Seba ke bi hewayêko zelal vanê ke vera awankerdişê sîstemê înan o ke  hemberê demokrasî û azadîye de hêzo ke beno asteng, Rayberîye û Têgêrayîşê Azadîye yo. Bi tecrîdkerdişê Rayberîye û bi qirkerdiş û komkiştişan nê vanê. Bi zextkerdişê şarê Kurdî, her roje bi polîtîkayanê şerê taybetî nê çîyî vatî. Ma zî vanê Rayber Apo nameyê cuye bi xo yo. Ma yê ke rêça Kemal, Mazlum, Xeyrî û Sarayan de yê  zî vanê ke şima nêeşkenê cuye tecrîd bikerê. Eksê ci de şima bêbihne do bimanê. Xoverdayîşê ma yo ke ma nika dest pêkerdo reşto do qerardarîya ke bieşka tecrîdî bişikna û nîşan dayo ke ma amade yê nê oxirî de bedelan bidê. Êdî heme kerr û koran heşnayo ke şar û têgêrayîş, ma dorê  Rayberîya xo de bîyê xeleke. Ganî êdî her kes bizano ke her pawitişoxêk tifaqa faşîst a AKP-MHP’yî ya ke zerrîya înan de cedew girewto, bi xîyanetê cuye, azadîye, cimatbîyayîş û heqîqetî tarîxî de cayê xo girewto.

Ma girewteyê PKK û PAJK'î yê ke hepisxaneyan de semedê xoverdayîşê xo heme dinya reyde pare kerdibi. Heta ke tecrîdê serê Rayberîya ma nêwedarîyo, heta ke azadîya ey û şertê ey yê xebete nêrê ca, ma do teyna yew game zî apey nêerzê. Ma nika 67 hepisxaneyan de 331 hevalan reyde çalakîya xo ya grevê vêşanîye ya bêdem û bêagêrayîşî bi bawerî û bi israr dewam kenê. Şarê ma xo ver dano, têgêrayîşê azadîye xo ver dano û bi bawerîya ke ma do serê xeta serkewtişî ser bikewê her ke şina gird bena. Ma, kesê ke hepisxaneyan de yê, xoverdayîşê xo xurt û gird kenê. Bi hişmendî û qerardarîya ke ma do faşîzmî bi adirê xoverdayîşê xo biveşnê.

MA ÇALAKÎYA XO GUR Û XURT BIKERÊ

Ma danê zanayene ke 1’Adare de ma girewteyê PKK û PAJK'î yê hepisxaneyanê Vakûrê Kurdistanî û Tirkîya, heme hepisxaneyan de bi hewayêko hemwext dest bi grevê vêşanîye ya bêdem û bêagêrayîşî do bikerê. Çalakîya grevê vêşanîye ya bêdem û bêagêrayîşî ya ke ma do 1’Adare bidê destpêkerdene, heta ke tecrîd bêro wedaritene do dewam bikero. Teberê Rayberê ma de tu kes nêeşkeno çalakîya ma bi ma bido verdayene.

VENGDAYÎŞ

Ma vengdayîş bi heme pawitoxanê demokrasîye, roşinvîran, nuştoxan û rêxistinanê cimatkî yê sivîlan kenê  ke bibê vengê xoverdayîşê ma yo ke her ke şino gird beno. Bêrê ma faşîzmî birijnê û pîya cuyêka azade bimûnê. Ma vera faşîzmê AKP-MHP’yî yo ke vera têduştî û azadîye de asteng o, xover danê. Tecrîdê serê Rayberîye, tecrîdê serê her kesî yo. Ma vengdayîşê her kesî kenê ke wedaritişê tecrîdî voverdayîşê ma hemeyan bo.”