Xoverdayîşê Hemsereka KCD’yî û Parlamentera HDP'yî ya Colemêrgî Leyla Guvene yo vera tecrîdkerdişê Rayberê Şarê Kurdî Abdullah Ocalanî yo ke 8 Teşrîna Peyêne 2018 de Hepisxaneyê Amedî yê Tîpê E’yî de dest pêkerd, roja 164’ine de keyeyê xo de dewam kena.

Hetê bînî ra xoverdayîşê endamê temsîlkarîya HDP’yî ya Başûrê Kurdistanî Nasir Yagizî zî bi eynî amancî sey grevê vêşanîye yê bêdem û bêagêrayîşî dewam keno. Yagiz roja 151’ine de bi qerardarîye dewam keno. Grevê biagêrayîşî yê temsîlkarîya HDP’yî ya Başûrê Kurdistanî yê Hewlêrî zî roja 151’ine de yo.

Xoverdayîşê Strasbourgî yê 14 çalakwanan û Galler de Îmam Şîşî roja 125'ine de dewam keno. Çalakîya hepisxaneyanê Kurdistanî û Tirkîya, ke gruba verêne 16'ê kanûne 2018 de dabî destpêkerdene, 126'ine de dewam kena. 1’ê Adare ra dima bi hezaran girewteyanê hepisxaneyan ê Kurdistanî û Tirkîya dest bi grevê vêşanîye kerd û çalakîya înan roja 50’ine de dewam kena.

Çalakîya ke Parlementera HDP'yî Dersîm Dage 3'ê Adare de, Tayîp Temel û Murat Sarisaçî 8'ê Adare de daye destpêkerdene dewam kena. Çalakwananê ke hepisxane de dest bi grevê vêşanîye kerdo û ameyê verdayene, veradayîşî ra dima zî çalakîya xo keye de dewam kenê. Sedat Akin Êlîh de 104 rojî, Gurbet Ektîrene Mêrdîn de 96 rojî, Semra Alkan Alîaga yê Îzmîrî de 104 rojî, Îhsan Sinmiş Kuçukçekmece yê Stenbolî de 53 rojî yo grevê vêşanîye de çalakîya xo keye de dewam kenê. Îsmet Yilmaz, Salîh Tekin, Sevican Yaşare, Bîlal Ozgezer banê HDP’yî yê Amedî de 3'ê Adare de dest bi grevê vêşanîye kerdibî. Çalakîye ra dima ameyî girewtene û hepisxane de çalakîya xo dewam kenê.  Mengêk ra dima ameyî verdayene û nika çalakîya xo dewam kenê.

Mexmûr

Çalakîya grevê vêşanîye yê bêdem û bêagêrayîşî ya vera tecrîdkerdişê Rayberê Şarê Kurdî Abdullah Ocalanî ya Kampa Şehîd Rûstem Cûdî ya Mexmûrî roja 126’’ine de bi gruba 41. kena.

Hetê bînî ra grevê vêşanîye yê bêdem û bêagêrayîşî yê vera tecrdîkerdişê Rayberê Şarê Kurdî Abdullah Ocalanî yê endama Meclîsê Îştarî yê Mexmûrî Fadîle Toke, ke 12’ê Çele de dest pêkerdibi, roja 91’ine de dewam keno.

Silêmanî

Grevê vêşanîye yê Komela Karkeranê Mezopotamya ya Silêmanî yê seba wedaritişê tecrîdê serê Rayberê Şarê Kurdî Abdullah Ocalanî roja 128’ine de bi gruba 64. dewam keno. Gruba 64. ewro do çalakîye dewr bigêra.

Qezaya Kelarî ya Germîyanî de Muhendis Herêm Mehmûd seba wedaritişê tecrîdê serê Rayberê Şarê Kurdî Abdullah Ocalanî 56 rojî yo grevê vêşanîye yê bêdem û bêagêrayîşî de yo.

Grevê Gulebax Celale zî roja 35’ine de bi qerardarîye dewam keno.