Sey xeylî zîndananê bînan Zîndanê Girewteyî yê Tîpê Tyî yê Tarsusî de zî vera tecrîdê serê Ocalanî grevê vêşanîye yê bêdem-bêagêrayîşî esto. Ame zanayene ke îdareyê zîndanî seba şiktişê grevî çalakwanî kogûşêko cîya de ca nêkerdî.
Çalakîyê grevê vêşanîye yê ke seba wedartişê tecrîdê serê Rayberê Şarê Kurdî Abdullah Ocalanî hetê tepişteyanê PKK û PAJKî ra zîndanan de ameyîbî destpêkerdene dewam kenî.
Zîndananê Kurdistan û Tirkîye de 165 tepişteyî grevê vêşanîye yê bêdem-bêagêrayîşî de yê. Reyna bi hezaran tepişteyî zî çalakîya bêdem bi agêrayîşî dane domnayene. Nê zînandan ra yew zî ê Tarsusî yo. Tepişteyê ke grev de yê ganî kogûşanê cîyayan de bêrî cakerdene, la îdareyê zîndanî destûr naye nêdano.
Apê Cengîz Temelî yo ke Zîndanê Tarsusî de yeno tepiştene, Davut Temelî derheqê zîndanî de melumato ke birarzayê xo ra girewto ney ser qisey kerd.
Tememlî vat ke heme heqê esasî yê tepişteyan yenî binpaykerdene û wina dewam kerd: ‘‘Tepişteyê ke grev de yê ganî koguşêko cîya de bêrî cakerdene, la îdareyê zîndanî naye nêano ca û şideto psîkolojîk keno. Bi naye wazenê ke grevî nêvînayîşî ra bêrî û îradeyê xoverdayoxan bişiknê. La tepişteyî bi îradeyo girdî xover danî. Ma zî ganî paştî bidê înan û vengê înan pey dêsan ra bido eşnawitene.‘‘
