Elewîyan ewro Yalova de seba ke berê înan  ameyî nîşankerdene û sey hedefî ameyî ramojnayene bi eşkerayîyêke hêriş şermezar kerd.

Serekê Weqfa Kulturê Anadolu yê Haci Bektaşî Velîyî yê Yalova Fîkret Demîr û hemwelatîyê ke berê înan ameyî nîşankerdene ewro vera nê hêrişan eşkerayîye çapemenîye daye. Çalakîya ke xeylêk elewîyî û hetê demokratîkî tewrê ci bîye de Fîkret Demîrî qisey kerd. Demîrî vist vîrî ke nîşankerdişê bananê elewîyan çîyêko newe nîyo û vat: ''30 serranê peyênan de 27 rey qezaya û bajaranê cîya cîyayan de bi metodan şar ame tersnayene. Êyê ke wazenê bêrê ma ser û pê sînîrê ma kay bikerê wa bizanê ke ma hetê haştîye de yê. Elewîyan de kîn û şîdet çîn o. Ma ganê çewî/e nêvêşnenê û êyê ke gan vêşnenê vera înan vindenê. Gerek înanê ke berê ma nîşan kerdî cade bêrê tepiştene û cezakerdene. Ma hêvî kenê ke nê qewimîyayîşê tarîyî hînî nêbenê.''