Nebî Yavuzo ke badê 30 serran û 6 aşman Zîndanê Tîpê Myî yê Bafra yê Samsûnî ra tehlîye bi, vizêr şan zîndanî ra vejîya.  Yavuz ewro ame qezaya Konakî ya Îzmîr ke keyeye ci ûca ciwîyeno.

Yavuz verê Banê HDPyî yê Konakî de bi vilikan û deyîranê kurdkî ame verwazîkerdene.  Pîya bi merdimanê ci îdareakê HDP û EGE-TUHAYDER û Meclîsê Dayîkanê Haştîye zî şîyî vera Yavuzî.

Yavuzî vat, " Tarîxê ma yê têkoşînî yê 50 serran bi des hezaran kesan dewam keno. Têkoşînê ma bi xoverdayîşê şarî beno pîl. Zîndan de na hêvî û bawerîye ma payra tepiştî. No têkoşîno ke yeno dayene ez pê sere berz a. Ma do ser bikewê."

Yavuz dima ra pa kesanê ke ameyî vera ci bi rayraşîyayîşî şi keye.

Nebi Yavuz gerek 6 aşmî verî biameyêne tehlîkerdene.