Yewîtîya Bazirganîya Skoçî paştdayîş da grevê vêşanîye

Kongreya Sendîkayanê Skoçî de ame waştene, tecrîdkerdişê Rayberê Şarê Kurdî Abdullah Ocalanî bêro wedaritene û paştdayîş xoverdayoxanê grevê vêşanîye rê bêro dayene.

Paştdayîşê seba xoverdayoxanê grevê vêşanîye wareyê mîyanneteweyî de dewam kenê. Kongreya Sendîkayanê Skoçî (STUC) de Lynn Hendersonî qisey kerd û bale ante serê xoverdayoxê grevê vêşanîye Îmam Şîşî. Kongre de Kurdî û çalakîya grevê vêşanîye vejîyaye vernîye.

Ganî Ocalanî reyde pêvînayîşî bêrê kerdene

Konseya Bazirganîye ya Aberdeen a Skoçî,  bi pêşnûmeyêka lezabeze Konseya Pêroyî ya STUC'î ra waşt paştdayîş bidê grevê vêşanîye û biwazê ke Rayberê Şarê Kurdî Abdullah Ocalanî keye û avûkatanê xo reyde eşkeyo pêvînayîşan bikero.

Konseya Bazirganîye ya Aberdeen  STUC’î ra waşt ke fikrê xo Konseya Ewropa, Komîteya vernîgirewtişê Îşkenceyî (CPT) û Wezaretê Karanê Teberî yê Îngilîstanî reyde pare bikero.  Hetê bînî ra derheqê grevê vêşanîye de zanayîşan bidê sendîkageran û paştdayîş bidê çalakîyanê paştdayîşî.

Paştdayîşî pêşnûmayan rê ameyî dayene

Hemserekê Kurdistan reyde Torra Paştdayîşî ya Skoçî  Stephen Smellîeyî paştdayîş da her di pêşnûmeyan. Smellîeyî zextê polîsanê Skoçî yê ke vera Kurdan yenê kerdene rexne kerdî û vat, dibistanan de persê ‘Pîyê şima terorîst o?’ domananê Kurdan ra yeno perskerdene.

Aktîvîstanê Skoçî seba ke torra patdayîşî xurt biba eynî wextê de Serekê TUC’yî Gallerê Shavanahî reyde têkilîye ronaye. Aktîvîstanê Skoçî derheqê çalakîya grevê vêşanîye de zanayîşî dayî û merdiman ra waşt ke derheqê na babete de mektuban CPT’yî rê binusê.