Yewîya Rojnamegeranê Almanan (DJV) bi eşkerayîyêke hukmatê tirkî ra waşt ke  rojnamegerê ke Amed de ameybî destbendkerdene, vera bida. DJVyo ke 30 hezar endamê ci est ê, eşkerayîya xo de vist vîr ke 20 rojnamegerê kurdî hema zî nezaret de yê. 

Serekê DJVyî Prof. Dr. Frank Uberallî pare kerd ke nê kerdişê vera rojnamegeran nîşaneya karakterê îqtîdarê AKPyî ya. Unerallî hukmatê tirkî ra waşt ke cade rojnamegeran vera bido. 

Hemserekê Komeleya Rojnamegeran a Dîcle Firatî (DFG) Serdar Altun, Mudirê Karanê Nuşteyan ê Rojnameyê Xwebûnî Mehmet Alî Ertaş, Mudira Jinnewsî Safîye Alagaş, Edîtora Jinnewsî Gulşene Koçuk, Edîtorê Ajansê Mezopotamya (MA) Azîz Oruç û Omer Çelîk zî tede 20ê ci rojnamegerî 21 kesî 8ê hezîrane de ameybî destbendkerdene û hema zî nezaret de yê.