Cenazaya gerîlayanê HPGyî Mahsum Aslanî hetê Serdozgerîya Komare ya Erxenî ra pê kargoyî erşawîyaye keyeyê ci le Aslan 2018 de Dêrsim de operasyonê artêşa îşxalkere de şehîd bibi. Dewleta tirke heman barbarîye reyna kerdbi. Cenazaya gerîla Egîd Îpekî zî pê kargoyî erşawîyabî keyeyê ci.

Sereka Komeleya Heqanê Merdiman a Îstanbulî Gulserene Yolerî derheqê mesele de ANFyî rê qisey kerd.

Gulserene Yolerî îfade kerd ke goreyê qanûnan ganî cenazayan rê cîyakerîye nêra kerdene û vat: ''Bawerîya ma de zî kerdişêko winasên çî yo. No kerdiş binpaykerdişê heqanê merdiman o. Hêrişê winasênî haştî û cuya komelî kenê hedef, nefret û cîyakerîye geş kenê. No hêriş heman wextî de vera keyeyê cenaza û erjanê komelî ame kerdene. Ganî merdim nê kerdişî rê vajo 'hêriş.' ''

Gulserene Yolerî dima bale ante hêrişanê nîjadperestanê ke zêdîyayî ser û vat: ''Geşbîyayîşê cîyakerîye tercîho polîtîk ê îqtîdarî yo. Coka ganî ma polîtîkayanê îqtîdar pers bikerê. Zêdîyayîşê otorîte heqanê merdiman û demokrasî zêdêr dûrî visneno. Ganî merdim xo vîra mekero; her kaoso ke nika qewimîyeno hêzê nê kesan dano dewamkerdene.''