Sereka Beşê Îstanbulî yê ÎHDyî Gulserene Yolerî bale ante ser ke prosesê pandemî de binpaykerdişê heqan ê  zîndanan şarî ra zafêr yenê nimitene û vat zîndanan de her qeyde şîdet yeno qewimîyayene.

Yolerî  tepişteya nêweşe Fatma Ozbay sey nimûne nîşan da ke mergî rê ameya caverdayene û vat: ''Îşkence demo peyên de bîyo sey çîyêkê normalî. Tepişteyê nêweşî ke seba ke tedawî nêbenê nêrazîbîyayîş ramojnenê raştê şîdetî yenê. Bi bahaneyê janî nêweşî nînê berdene bi nêweşxaneyan. Îdare ganî na rewşe hîna nerm nîzdî bo la ê bi nêweşan bêqûnî kenê, înan hurdî vînenê. Ma binpaykerdişê heqan ra bi mektubanê ke tepişteyî keyeyanê xo rê şawenê xebardar benê. Ewro zîndan de problemê gîrdî estê. Cigêrayîşo rut, muayeno bikelemçe, bi wesayîtê rîngî berdişê nêweşxaneyî, payra humartiş, waştişê tekmîlî nînan ra tay ê. Îdareyo şefaf çîn o. Binpaykerdişê heqan û şîdet û îşkence pê desan de yeno nimitene. Heme muracatê tepişteyan bi şîdetî yenê cewabkerdene. Şîdeto her qeyde esto. Wexto cigêrayîşan de tewirê anorkiştişî yenê caardene. Seba ke tepişteyî vera nînna vejîyene zî raştê şîdetî yenê.''