Yewina Qesasî ya Şehîde Arjîne Amed a YPS-JIN pare kerd ke çarçewa ''Hamleya qesasî ya vera kolonyalîst û ajanan'' de û vera hêrişanê îşxalkeran ê Heftanînî tay çalakîyî kerdî. 

Derheqê çalakîyan de nê zanayîşî ameyî dayene:

''Endamanê yewina ma 21ê hezîrane de qezaya Dulkadîrogluyî ya Mereşî de vera kargehê tekstîlî yê terefgîranê AKPyî çalakîyêka sabotajî kerde. Na çalakîye de kargeh ame îmhakerdene. Heman roje yewina ma rayîrê Mereş-Dîlokî de vera 2 depoyanê kargehê tesktîlî yê terefgîranê AKPyî çalakîyêka sabotajî kerde. Beşêkê kargehî û 2 depoyî bi temamî vêşîyayî. Reyna 21ê hezîrane de qezaya Odemîşî ya Îzmîrî de depoyê faşîstan ame vêşnayene.

20ê hezîrane de endamanê yewina ma taxa Ulukavakî ya Çorumî de vera wesayîtê kesêkê faşîstî çalakîyêke kerde. Na çalakîye de wesayît bi temamî ame vêşnayene.

19ê hezîrane de qezaya Zeytînburnuyî ya Îstanbulî de sîteyê sanayî de 2 çalakîyê sabotajî ameyî kerdene. Nê çalakîyan de kargehê mobîlya û sungerî yê terefgîrê rejîmê faşîstî wel bi.

17ê hezîrane de endamanê yewina ma qezaya Karasuyî ya Sakarya de vera kargehê faşîstê AKPyî çalakîyêke kerde. Çalakîye de beşêko pîl ê kargehî vêşîya û îmha bi.

16ê hezîrane endamanê ma Aksaray, Okmeydani û Gazîyê Îstanbulî de vera 3 wesayîtanê terefgîranê AKP-MHPyî çalakîya sabotajî kerde. Çalakîyan de 3 wesayîtî zî wel bîyî. Heman roje taxa Tarlabaşiyî ya Îstanbulî de 2 wesayîtê faşîstan ameyî vêşnayene. Reyna 16ê hezîrane de qezaya Beylîkduzu ya Îstanbulî de bînayêka 7 qatîne ya mutahîtêkê faşîstî ameye vêşnayene. 

Endamanê yewina ma 13ê hezîrane de qezaya Sultanbeylî ya Îstanbulî de pê molotofan 2 bînayê faşîstanê AKP-MHPyî vêşnayî. Çalakîye de bîna bi temamî vêşîyaye.

9ê hezîrane de endamanê ma qezaya Hendekî ya Sakarya de vera kargehê terefgîranê AKP-MHPyî çalakîyêka sabotajî ameye kerdene. Çalakîye de kargeh bi wel.''

Yewina Qesasî ya Şehîde Arjîne Amed a YPS-JIN îfade kerd ke ganî her kurd/e vera dewleta tirke ya îşxalkere şerê xopawitişî bikero/a û ard ziwan ke ê do pê ruhê xoîdarekerdişî û Cengê Heftanînî ser bikewê.