Koordînasyonê YPSyî derheqê hêrişanê dewleta tirke yê vera şarê kurdî de eşkerayîye daye û semedê pîlkerdişê xopawitişî veng da.

Eşkerayîye de nê ameyî vatene: ''Hêrişê vera kurdan polîtîkaya dewlete ya. Hêrişê winayênî vera nasname û bawerîyanê bînan zî yenê kerdene. Hêrişê nîjadperestî demê peyênî de çend şinê zêdîyenê. Dewleta tirke heme dezgehanê xo yê fermîyan de, mekteb, medya, huner û sîyasetê xo de polîtîkaya dewlete yê 'yew ziwan, yew dîn yew dewlete' şuxulenena û eşkera ê bînan sey hedefî ramojena. Tewr peynî de Sakarya de xebatkarê citkarî yê serrewextî  Esat Atabey raştê hêrişî ame. Qereqol de yeno waştene ke Atabey wa hêrişkar Selîm Çabukî dir bêro wêre. Mixtar vano 'wa mesele çapemenî de mero eşnawitene, eke wina bibo çew nêwezeno tîya bixebityo.' Qereqol de paştîya hêrişkarî yena vilnayene û bo bêrê peynî ra yeno veradayene. Hêrişkar Selîm Çabuk pê xelatanê ke girewtî siba hêrişê yewna kurdî/e keno.

Qirkerdişê Meramî de 7 kurdî ameyî qetilkerdene. Reyna Afyon, Anqara, Çorum, Antalya, Duzce, Bursa de nê di serranê peyênan de xeylêk hêrişê nîjadperestî qewimîyayî. Şarê ma seba ke kurdkî qisey keno û deyîran vano raştê hêrişî yeno.  Dewleta tirke ya ke wazenê komelê faşîstî yê tirkî biaferno senî ke tarîxê nizdî de Sêwas, Mereş û Çorum de rayîr mojna kiştoxan, ewro verê hêrişê vera kurdan akena.

Eke ma verê faşîzm û nîjadperestîye de milê xo çewt bikerê nê hêrişî do zafêr bê. Ganî şarê ma vera hêrişanê ke bi destê dewlete yenê kerdene bêveng memamo. Şarê ma wa heqê xo yê xopawitişî bişuxulno. Dewlete ra pawitişê heq, huqûq, edaletî xo xapînayîş o. Xora nê hêrişan dewlete bi xo organîze kena. Coka ganî ma hêrsê xo yê vera hêrişan biaçarnê rêxistinbîyayîşî û wina dilab-hîrlab cewabê faşîzmî bidê. Ma veng danê ciwananê kurdan ke wa vera faşîzmê dewleta AKP-MHPyî semedê xopawitişî têbigêrê.''