Namzedê CHP’yî  yê seba serekîya Şaredarîya Bajarê Girdî yê Stenbolî Ekrem Îmamoglû reya 11’ine eşkerayîye daye. Îmamoglûyî vat, “Goreyê doneyanê YSK’yî, se ra 99,74 sindoqan sîstem de ca girewto. Hûmara sindoqanê ke nêkewtê sîstem 82 yê. Ferqa rayan zî 27 hezar 806 a. Hesabê matematîkî yê nê prosesî êdî qedîya. Goreyê mi, heme dezgehê çapemenîye eşkenê doneyan pare bikerê.”

Serekê YSK'yî Sadî Guvenî zî derheqê netîceyanê vîyartbaran ê Stenbolî de eşkerayîyêk daye. Goreyê eşkerayîya Guvenî, Ekrem Îmamoglû bi 27 hezar 889 rayan verê Bînalî Yildirimî de yo. Guvenî da zanayene, Ekrem Îmamoglû 4 milyon 159 hezar 650, Bînalî Yildirim zî 4 milyon 131 hezar 761 rayî girewtî.”