Yuksekdage zî grevê vêşanîye de ya
Hemsereka Pêroyî ya HDPyî Fîgen Yuksekdage ya ke sey rehîne yena tepiştene, seba ke paştî bido çalakîya Leyla Guvene dest bi grevê vêşanîye ya 3 rojan kerd.
Hemsereka Pêroyî ya HDPyî Fîgen Yuksekdage ya ke Zîndanê Kandira de sey rehîne yena tepiştene dest bi grevê vêşanîye kerd.
Yuksekdage seba paştîdayîşê hemsereka KCDyî û parlamentera HDPyî ya Colemêrgî Leyla Guvene ya ke semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye yê bêdem-bêagêrayîşî de ya, dest bi grevê vêşanîye kerd.
Verê Yuksekdage hemşaredara Bajarê Pîlî ya Amedî Gultan Kişanake tewrê çalakîye bibî.
