Goreyê agahîyanê ke merdimanê tepişteyan dayê, Zîndanê Şakranî de vizêr saete 15.00 de tewr tay 30 gardîyanan eşto koxûşê A-3yî ser.

Gardîyanan hacetê mitbaxî û masaya mitbaxî şiknayî û tepişteyan rê heqaret kerdî. Merdimanê tepişteyan dîyar kerd ke werdê tepişteyan hetê gardîyanan ra ameyê eştene û hacetê tepişteyan hînî nêşuxilîyenê.

Tewr tay 20 gardîyanan zî 2yê sibate de eşt koxûşanê Zîndanê Cinîyan ê Şakranî ser, hacet û masayê tepişteyan şiknabî. 

Merdimanê tepişteyan da zanayene ke mîyanê hewteyêkî de di reyî gardîyanan eşto koxûşî ser.