Zîndanan de grevê vêşanîye yê vera tecrîdê Îmraliyî û binpaykerdişê heqanê tepişteyan 235 rojî yo dewam keno.

Tepişteya Zîndanê Dîlokî Sevînçe Selçuk dadîya xo Muzeyene Selçuk reyde qisey kerd û qala binpaykerdişê heqanê înan kerde. 

Dadî Muzeyene Selçuk vat: ''Ma heta nika qetî pêvînayîşo akerde nêkerd. Ma tim ya pê telefonî qisey kerd yan zî ma şîyê pêvînayîşê girewteyî. Kênaya mi pêvînayîşê peyênî de vat awa înan di hewte yo birîyaye ya. Kênaya mi û embazê ci hê grevê vêşanîye de yê la şeker, sol û lîmon nêdîyenê înan. Kênaya mi vat ê awa şimitişî hêrînenê. 

Wa waştişê tepişteyan bêrê qebulkerdene. Tewr nêbo wa wextê grevî de înan rê teda nêra kerdene. Kênaya mi û embazê ci heqdar ê. Ez nêwazena zerar bireso aye ser. Kênaya mi grevê vêşanîye de ya coam qirîka mi ra pironêkê nanî nêşino. ''