Remzî Bayramo ke 24 serrî yo tepişte yo û nika Zîndanê Kirşehîrî de yo, 14ê hezîrane de keyeyê xo rê telefon kerd û înan rê qala binpaykerdişanê heqan kerde.

Remzî Bayramî da zanayene ke leşker û gardîyanan 13ê hezîrane de eşto koxûşanê înan ser, dest nayo malzemeyanê înan ser û koxûşî serûbin kerdê.

Remzî Bayramî venga her kesî da ke verê binpaykerdişanê heqanê tepişteyan de hîsger bibo.

Keyeyê Bayramî zî îfade kerd ke tedayê vera tepişteyan nênê qebulkerdene û waşt ke peynîya kerdişanê keyfîyan bêra ardene.

Keyeyî venga rayaumûmîye, dezgehan û pawitoxanê heqanê merdiman da ke derheqê babete de hîsger bibê.