Tepişteyanê Zîndanê Riha derheqê teda û zorbazîya vera înan de Radyoya Dengê Welat rê mektubêke erşawite û qala kerdişanê vera merdimîye kerde.

Metube de ame parekerdene ke mudirê zîndanî Fatîh Sertaç Çelîkî vera înan kerdişanê xiraban ano ca, gefan waneno û vano 'Ez dewlet a, eşkena her çi bikera. ' Mektube de ame vatene ke waştişnameyê înan nêerşawîyenê, mektubî nêdîyenê, dest nîyeno hacetanê tepişteyan ser, derheqê înan de bêsebeb tehqîqatî abenê û cezaya hucreyî dîyena tepişteyan.

Tepişteyan mektube de vat: ''Embazê ke grevê vêşanîye kenê ceza dîyena înan. Fatîh Sertaç Çelîko ke dişmenê kurdkî yo nêverdeno ma bi ziwanê xo qisey bikerê. Embazê ke şinê nêweşxane bi mengan karantîna de teyna manenê. Nînan ra tay embazî maruzê îşkenceyan mendî. Gardîyanî erzenê koxûşanê ma ser û ma pê 'hucereyê yewkesî' tehdît kenê. 

Kesê bi nameyê Cafer Uysal û Hidir Demîrtaşê ke karê kontrayî kenê û gerîlayan ra remayî derheqê ma de agahîyan danê mudirî.''