Dewleta tirkî zindanan de polîtîkaya xo ya hêrişkarî xorin kena. Hepsîyanê sîyasî rê îşkenceyo fîzîkî û psîkolojîk zêdîyeno.

Zîndanê Xarpêt, Şakran, Bolu, Bayburt û Tasusî sey ca yê pîlotî ameyî vîjnayene û eynî polîtîkaya hêrişkar zîndananê bînan ra zî vila bena.

Vera zextê îdarekaranê zîndanan hespîyê sîyasî bi grevê vêşanîye û nêvejîyayîşê dîyayîşan nê bîyayîşan protesto kenî.

Bitaybetî zî zîndano qefilnaye yê Tarsusî de îxlalkerdişê heqan zêdîyeno. Hepsîyan û merdimanê ci dîyar kerd ke heme erjaye yê merdimîye gerîyene bine lingan.

Hepsîyanê zînadanê Tarsusî ra Cengîz Temel ke beşa T-2 de maneno, apê ey Davut Temelî qewîmîyayîşanê zîndanê ser ANFyî rê qisey kerd.

Temelî da zanayene ke ê 2ê teşrîna verêne de, birarzayê xo dîyayîşo akerde de dîyo û birarzayê ey ci ra vato ke bisebebo ke ê wextê hûmartişî de nêweriştî pay ci rê îşkenceyo psîkolojîk û fizîkî bîyo.

GREVÊ VÊŞANÎYE YA BÊMUDET-BÊAGÊRAYÎŞÎ

Apê Temelî qiseykerdişê xo rê wina dewam kerd:‘‘ Birarzayê mi Cengîzî vato ke o hespîyêko sîyasîyo û no semed ra lingan ser hûmartiş goreyê nasnameyê ey çîyeko raşt nîyo û bisebebo ke ney red kenî ci rê îşkence beno. Vera nê zextan 3 embazê ey 19 rojî yê girevê vêşanîye ya bêmudet-bêagerîyîşî de yê. Ê ke grevî de yê her yew dayo cîya qoxûşan. Birazyê mi vato ke o zî 5ê aşme de bi 30 embazanê xo seba paştîdayîşê embazanê xo û protestokerdişê zextê zîndanî kewno girevî. Îxîtîmalo girde ke grevî ra dima îdareyê zîndanî înan rê hêriş bikero û berzo çimeyanê sungerin. Birarzeyê me waşte ke wa şar wahîr înan bivejîyo.

VENGDAYÎŞÊ HÎSGÊRÎYE

Temelî dîyar kerd ke o zî 10 serrî sey hepsîyo sîyasî zîndan de mendo û bê dewrê 12ê êlule zêxto winayin nêdîyo û seba wayîr vejîyayîşê hepsîyan wina veng da: ‘’Ganî herkes vera zextê zindan de hîsgêrî bo. Nê domanê ma yê û binê zilmî de yê. Wa şarê ma vera zilmî de bêveng memano paştî bido xoverdayoxanê zînandan.’’