Zîndanê Tîpê Tyî yê Beşikduzu yê Trabzonî de tepişteyan vera îşkenceyî 14ê temmuze de dest pê grevê vêşanîye yê bidorî kerd. 14ê tepişteyanê ke dest pê grevî kerd waşt ke wa îşkence biqedîyo.

Tepişteyan ra Resul Çekerî (52) perey bi rayîrê pêvînayîşê telefonî yê keyeyê xo da eşnawitene ke înan 14ê temmuze de destpê grevê vêşanîye yê bidorî kerd. Çekerî da zanayene ke heme heqê înan yenê binpaykerdene û ê raştê cigêrayîşê rûtî yenê, seba ke ê vera naye  vejîyenê raştê îşkenceyî yenê. Resul Çekerî semedê hîsgêreyî veng û vat ê qerardar ê ke heta caardişê waştişanê ci do çalakîya înan dewam bikero.