Serekkomarê Fransayî Emmanuel Macronî derheqê şewatî de eşkerayîye daye û vat, “Ma netîceyê tewr xirabî ra xelisîyayî.” Labelê katedralo ke emrê ci nizdîyê 900 serrî yo, zirarêko cidî tede virazîya.

Yeno vatene ke şewat rîyê xebata tamîrkerdişî ra vejîyayo.

Şewatî vizêr şan de saet 18:30 de dest pêkerd û tîmê şewatkarîye sewqê herême ameyî kerdene. Dimayo ke merdime ke herême de bîyî ameyî hewilnayene, xebata tefênayîşê adirî dest pêkerde. Dora saet 19:30 de tîra berze ya ke serê katedralî de bî vêşaye.

Rayberanê dinya peyam şirawit û ard ziwan ke ê şarê Fransa dir ê.