Wezîrê Pawitişî yê Meksîka Luîs Cresenco Sandovalî vat, goreyê peymana ke Dewletê Yewbîyayî yê Amerîka (DYA) dir ameya kerdene polîs û leşkerî serê sînorî de ameyê bicakerdene.

 Wezîrî vat herêma sînorî de 15 hezarî leşker û polîsî ameyê bicakerdene û vat ke no hêz do koçberanê ke vejênê teberê qanûnan bitepişo û teslîmê otorîteyanê selahîyetdaran bikero. Wezîrî heman wextî de vat par zî 6 hezarî û 500 wezîfedarê asayîşî serê sînorê Guatemala de ameyê bicakerdene, la par xeylî koçberî ûca ra ravêrtê bi DYA.