Arjantîn de mabênê 13-23yê teşrîna peyêne de çarçewa Hemleya 'Abdullah Ocalanî rê Azadîye, Çareserîya Meseleya Kurdan' de îmzayî ameybî arêdayene. Îmzayî hetê delegasyonêkî ra teslîmê Wezîrîya Karanê Teberî ya Arjantînî ameyî kerdene. Delegasyon hetê îdarekaranê sendîkayan û pawitoxanê heqanê merdiman ra yeno pê. 

Îmzayî 2yê kanûne de bi dorî teslîmê Serekwezîrîye, Yewîya Ewropa û Komîserîya Berze ya Heqanê Merdiman a NYyî ameyî kerdene. Nê dezgehî mîyanê delegasyonî de bîyî:  CTA Autónoma, Encuentro Militante Cachito Fukman, Gremial de Abogados y Jubilados Insurgentes.

Wina pawîyeno ke îmzayî teslîmê Amnesty International, Konseya Ewropa, Komîteya Heqanê MErdiman a Ewropa û CPTyî zî do bêrê kerdene.

Delegasyonî dima ke îmayî teslîm kerdî verê bînaya Serekwezîrîye de eşkerayîyêke daye. Eşkerayîye wina ya:

María José Cano (Dîrektora Heqanê Merdiman a CTA-Autónoma): Ma seba çareserîya meseleya kurdan û azadîya Ocalanî nê îmzayî arê dayî. Ma do prosesî teqîb vikerê û seb qebulkerdişê waştişanê xo israr bikerê. 

Eduardo Soares (Endamê Gremial de Abogados): Ganî bêro îfadekerdene ke şerê herême hertim muhtacê haştîye y,ê. Eke bi şer û polîtîlkayanê cezakerdiş û zorbazîye çareserîye bêra ferzkerdene na rewşe û kaos do giran bibê. Naye ra seba ke şarê kurdî bireso çareserîyêka haştîyane ganî Ocalan azad bibo.

Carlos Loza (Endamê Encuentro Militante Cachito Fukman): Şarê kurdî seba ke xoser bibo ganî têkoşîn bikero. Hêrişê hêzanê dewleta tirke, Îran û Sûrîye nênê qebulkerdene. Ma paştî danê têkoşînê şarê kurdî û waştişê azadîya Ocalanî.