Bi hemkarîya Odaya Sanayî û Bazirganîye ya Amedî (DTSO) û TUYAPî Amed de Fuarê Kitaban o 8in dewam keno. 26ê ci ê kurdan bi temamî 216 weşanxaneyî tewrê fuarî bîyî.

Weşangeran ajansê ma rê qalê fuarî kerd.

Delîl Zengar (Weşanxaneyê Aramî): Ma qasê bi 100 nuştoxan û 200 kitaban tewrê fuarî bîyî. Bi taybetî kitabanê ma yê neweyan ra kitabê Kemal Pîr û Hayrî Durmuşî zaf eleqe vînenê. Beşdarbîyayîş baş o. Amed de wendoxî zaf ê.

Jêhat Rojhilat (Weşanxaneyê Payîzî): Ma bi 35 kitaban tewrê fuarî bîyî. Bi nuştoxanê xo ma do rojanê îmzayan zî bikerê. Kitabê ma zafêrî bi kurdkî yê. Ma seba averberdişê edebîyatê kurdkî xebitîyenê. Ma wazenê ke edebîyatê xo neslanê neweyan rê dewr bikerê. Coka ganî ma wayîrê edebîyat û ziwanê kurdkî vejîyê. 

Denîz Gunduz (Weşanxaneyê Vateyî): Nê fuarî de weşanxaneyanê kirmanckî ra teyna ma tewrê fuarî bîyî. Kitabê ma yê neweyî zî est ê. Wendoxan eleqeyêko pîl mojna ma. Fuarê winayênî seba ma zaf girîng ê; çunke ma wendoxan de yenê têhet.

Halil Samed (Weşanê Pola): Qerebalix, sixletî û eleqeyê pîlî est ê. Wendoxî hem kitabanê rindan fuar de vînenê hem zî yenê nuştoxan de sohbet kenê. Coka fuarê kitaban girîng ê.