Wezîrê Pawitişî û lîderê Partîya Şîn-Sipî Benny Gantzo ke hemparê koalîsyonî yo,kombîyayîşê Heyetê Asayîşê Neteweyîyî ra dima eşkerayîye daye û da zanayeneke înan pêşnîyaz kerdbi ke cenazayê terorîstî nêrê teslîmkerdene û pêşnîyazê înan ame qebulkerdene. Goreyê naye cenazaya filîstînijanê ke şer de kişîyayê, do teslîmê keyeyanê ci nêbê.

Na bire heta nika rêna seba endamanê Hamasî ameyêne caardene. Goreyê bire hînî girîng nîyo ke filîstinijî endamê kamyew rêxistine yê. 

Gantzî îdîa kerd ke ê wazenê di esîrê ke destê Hamasî de yê û di cenazayê îsraîlijan bi asanî bigêrê. Îsraîl îdîa keno ke Hamas bi nê hawayî wazeno şansê xo yê bazarîya veradayîşê endamanê xo bizêdîno.

Rêxistina komelê sivîlî Adalahî derheqê bire de eşkerayîye daye û nêrazîbîyayîşê xo mojna.