Goreyê Bankaya Dinya rîyê şerê hegemonya ra beno ke nêmeyê ekonomîya Ukrayna çin biba. Goreyê raporêkê banka beno ke GSYIHê serre se ra 45,1 bikêmîyo. Bankaya Dinya vat: ''No kêmîyayîş pabesteyê wext û xorinîya şerî yo.''

Destpêkê şerî ra nata xeylê cayê Ukrayna xera bîyî, lîmanî zî tede xeylêk herêmî gêrîyayî binê ablûqa. Ukrayna ya zîretê genim û rûnî kerdêne şerî ra sezonê ramitişî nêard ca. 

Goreyê Bankaya Dinya ekonomîya Rûsya ha resesyon de ya û ekonomîya ci zî do kilmêr biba. Wina pawîyeno bazarê Ewropaya Rojhelatî û Asyaya Mîyanêne zî binê tesîrê şerê Ukrayna-Rûsya de bimanê û welatê sey Belarus, Moldova û Tacîkîstanî zî bikewê resesyon.

Hetkara Serekê Banka Anna Bjerde da zanayene ke Ukrayna hewceyê hetkarîya madî ya, welat de qasê 3 mîlyon kesî karê xo ra bîyê û ekonomîya welatî 565 mîlyar dolar vînî kerdo.