Brîtanya û DYA: Îranî dest da serê di tankeran!

DYA dimayo ke Îranî dest da serê tankera petrolî ya Îngilîzan vat, „Çetinî yena pîlkerdene.“ Brîtanya zî vat, beno ke tankerêka Lîberya ameya destserdayene. Ame vatene ke keştîyêk înan ra ameya veradayene.

Îranî pêhesnabi gama ke Kendawa Hurmîzî ra ravêrta înan dest dayo serê tankerêka petrolî ya Îngilîzan. Dimayê Brîtanya ra îdareyê DYA tewir ramot, serekê Amerîka Donald Trumpî vat Îran çetinîye keno pîle.

Trumpî xeberdaran ra vat beno ke Îranî dest dayo serê di keştîyan. Trumpî vat ke DYA do derheqê babeta tankera petrol de do cehd bikero ke îdareyê Brîtanya dir “bido û bigêro”.

Wezîrê Karanê Teberî yê Brîtanya Jeremy Huntî hemverê Îranî de tewir ramot û vat keştîyêka bîne ya Lîberya ameya destserdayene. Huntî derheqê destserdayîşê tankeran de vat, “Nê destserdayîşî nênê qebulkerdene.” Huntî heman wextî de vat, seba ke dest dîyayo tankeran ser o „mîyanê qesawetî de yo”.

 Nê eşkerayîyan ra dima şîrketêko bi nameyê Norbulk Shîppîngî vat, keştîyêka petrolî ya serê nameyê înan a bi nameyê Mesdarî amîya veradayene. Roja Îneyî keyepelê Pawitoxanê Şorişî Sepahnewsî vatibi, seba ke “goreyê huqûqê deryakarîye ya mîyanneteweyîye tê nêgêrayê” înan dest dayo serê tankerêka petrol ya Îngilîzan a bi nameyê Sttena Împero. Dimayo ke Mehkemeya Berze ya Cebelîtarikî qerar da ke tankera do tankera Îranî 30 rojanê bînan girewte bimano na eşkerayî amî dayene. 4’ê Temmuze qeraxê Cebeltarikî de tankera petrolî ya Îranî amîbî destserdayene.