Cerganê DAÎŞî Koyê Qereçoxî yê qezaya Mexmûrî yê Mûsilî de hêrişê hêzanê Iraqî kerd. Hêrişê DAÎŞî de 2 leşkerê Iraqî merdî.

Fermandarê Pêşmergeyan ê Mûsilî Xazî Faysalî derheqê hêrişî de Rojnewsî rê qisey kerd û vat: ''Saete 01.10 de cerganê DAÎŞî hêrişê baregehê leşkeranê Iraqî kerd. Netîceya hêrişî de 2 leşkerî merdî û 2 leşkerî zî birîndar bîyî.''

Faysalî ard ziwan ke cergan serê rayîrî de mayînî zî ca kerdê û wexto ke hêzê Iraqî resayî hewarê hêzanê xo mayînî teqayê. Derheqê teqayîşê mayînan de agahîyêko bîn nêame destvistene.