Serekkomarê Tirkîya Recep Tayyîp Erdoganî Kibris zîyaret kerdbi û ferz kerdbi ke şaristanê Varoşa (Maraş)ya ke 46 serrî yo qefilnaye yo bêro akerdene û çareserîya bi di dewletan bêra caardene.

Wezîrîya Karanê Teberî ya Fransa derheqê mesele de vat: ''Fransa na gama yewterefe ya provakatîfe ra zaf xemgîn a ke çareserîya mende ya meseleya Kibrisî asteng kena û zerar dana xîretanê çareserîye.''

Wezîrê Karanê Teberî yê Amerîka Antony Binkenî zî twitterî ser o eşkerayîyêke daye û vat: ''Ma nê îlanî şermezar kenê ke goreyê biranê Neteweyan ê Yewbîyayeyan nîya. Ma wazenê cade na game ra bêra agêrayene.''

Temsîlkarê Berzî yê Polîtîkaya Asayîşî û Têkilîyanê Teberî yê Yewîya Ewropa Josep Borrellî zî îfade kerd ke ê akerdişê Maraşî qebul nêkenê.

Dewleta tirke serra 1974î de pê zorê leşkerî Kibris îşxal kerdbi. Îşxalî ra verî se ra 53ê ameyeyê turîzmê girawe Varoşa ra bi.