Lîbyaya ke şerê zereyê ci de dewam keno de, General Heftaro ke rojakewtena welatî kontrolê ey de yo vat, dewleta Tirkî dişmen a.

Heftarî bi rayîrê vervatoxê xo Ehmed El Mesmarî eşkerayîye daye û da zanayene wareyê hewayî yê Lîbya teyareyanê Tirkî rê ameyo padayene.

Ame vatene ke Heftarî ferman dayo ke yewîyê ke binê kontrolê ey de yê hêriş bi keştî û tesîsanê dewleta Tirkî bikerê.

Mesmarî  reaksîyon mojna ke Serekkomarê Tirkî Recep Tayîb Erdogan tewrê mîyanê karanê zereyî yê Lîbya keno.

Generalê Lîbyayî da zanayene ke ê teyareyanê Tirkî yê ke wazenê bikewê Trablusî û keştîyê ke nêzdîyê lîmanan bibê sey ‘dişmen’ bêrê dîyayene û hîşyarîye daye ke heme hemwelatijê Tirkî yê Lîbya do bêrê girewtene.

Generalî hetê bînî ra vat, ê estbîyayîşê eskerî ya Tirkîya zî do bikerê hedef.