Vervatoxê Wezaretê Karanê Teberî yê Îranî Abbas Mûsawîyî bi rayîrê Twîtterî eşkerayîye daye û vat, “Hêzê caardişê bêkar ê vera lîderê dînî yê Îranî û fermandarê dîplomasî (Wezîrê Karanê Teberî Cevad Zarîf) vergirewtişê rayîranê dîplomatîkî yo.”

Vervatoxî vat, “Rayberîya Trumpî ya bêhêvîye mekanîzmayanê mîyanneteweyan ê ke seba pawitişê aşitî û asayîşê mîyanneteweyî estê çin kena.”

Serekê DYA Donald Trumpî Dişeme qerarnameyê derheqê hêzanê caardişanê neweyan ê vera Îranî îmza kerdibi. Hêzê caardişî bi taybetî vera lîderê dînî yê Îranî Alî Hamaneyî yê.

Serekê DYA destpêk de da zanayene ke hêzê caardişî sey cewabê dayîşwaroginayîşê teyareya bêmerdiman a Amerîka ya Neqebê Hurmuzî yê, la bado bi eşkerayîyêka bîne da zanayene ke hêzê caardişî ‘her şert û merc de’ xora do biameyêne caardene.

Konseya Asayîşî ya Neteweyanê Yewbîyayeyîyan zî Dişeme bi deklarasyonêkê hemparî seba qedênayîşê alozîya Kendawe vengdayîşê dîyalogî û girewtişê tedbîran kerdibi.