Sergey Lavrovî kombîyayîşê çapemenîye kerd û vat: ''Her kes zaneno  ke Şerê Dinya yo Hîrêyîn ancax pê nuklerî beno. La ez wazena bale bianca ney ser ke no hiş sereyê ma de nê, sereyê welatanê Rojawanî de esto.''

Lavrovî pare kerd ke vera Moskova planê 'şerêkê raştikênî' yeno kerdene.

Rûsya 24ê sibate de vera Ukrayna operasyono leşkerî dabi destpêkerdene. Rûsya tewr peyên zî şaristanê Hersonî yê Ukrayna vist destî.

Rixmo ke şer û bombardumanî dewam kenê Rûsya û Ukrayna sînorê Belarusî de muzakere kerdbî. Rojdem de adirbirnayîş esto.

Goreyê selahîyetdaranê Ukrayna 2 hezar sivîlî nê şerî de merdî. Neteweyanê Yewbîyayeyan pare kerd ke hewteyêk de mîlyonêk merdimê Ukrayna welatî ra cîya bîyê.

Serekkomarê Ukrayna Volodîmîr Zelenskîyî mesajê xo vîdeoyî yê neweyî de wina vat: ''No hêrişê Rûsya vîrusêko newe yo. Hewteyêk o ke no vîrus hêrişê ma keno.''