Şefê Artêşa Neteweyîye ya Lîbya Xalîfe Haetarî televîzyonê El Hadatî de qisey kerd. Heftarî vat beno ke Tirkîya semedê paştdayîşê Hukmatê Yewîya Neteweyîye yê bi  merkezê Trablûsî mudaxaleyê leşkerî bikero û seba 'seferberîye' û 'cîhatî' veng da.

Heftarî waşt ke cinî, camêrd, leşker û sivîl heme şarê Lîbya semedê pawitişê herre û şerefê xo wa çeke bîgerê û vat dişmen wazeno Lîbya îşal bikero û şarê ma bikero kole. Heftarî Hukmatê Yewîtîya Neteweyîye nîşan da û vat mîyanê nê kesan de êyê ke îxanet kenê de tayî estî ke bi aye (Tirkîya) pêkerdişê teslîmîyet û şermî kenê.

Parlamentoyê tirkî yo ke binê kontrolê AKPyî de roja pancşeme qerar girewt ke ê do leşkeran bişawê Lîbya. Dewleta tirke aşma kanûne de zî bi hukmatê îslamî yê Trablûsî di pêkerdişî kerdî ke paştdayîşê xo yê leşkerî zêde bikero.