Komîsyona Berze ya Heqanê Merdiman a Iraqî pare kerd ke nawnayîşan de vizêrî ra nata 63 kesî ameyî kiştene û 2 hezar 592 kesî zî birînda bîyî.

Komîsyona Berze ya Heqanê Merdiman a Iraqî da zanayene ke nawnayîşanê di rojan de Iraq de 63 kesî ameyî kiştene û 2 hezar 592 kesî zî birîndar bîyî. Goreyê medyaya Iraqî, selahîyetdarê hukmatê Iraqî zî wext da nawnayîşxoyan ê Meydanê Tehrîrî ê Bexda ke meydan biteriknê. Selahîyetdaran nawnayîşoxan ra vat eke meydan nêteriknê, ê do hêzê verba înan bixebitnê. Vizêrî ra nata nawnayîşoxî zafê wîlayet û şaristananê Iraqî de verba xizmetnêdayişî, bertilî û firsendanê karî vejîyayê meydanan.