KCDK-E derheqê rayraşîyayîşê ke do 16ê teştîna peyêne de semedê azadîya fîzîkîye ya Rayberê Şarê Kurdî Abdullah Ocalanî bajarê Kolnî yê Almanya de bêro kerdene, eşkerayîye daye û vat ganî her kes bi ruhê seferberîye verê xo bido Kolnî.

Eşkerayîye de nê ameyî parekerdene: ''Komployê Mîyanneteweyîyî yê vera Rayber Apoyî kewt serra 26ine. Rayberê ma 26 serrî yo Îmrali de binê tecrîdê giranî de yeno tepiştene ke no goreyê huqûqê mîyanneteweyîyî nîyo. Dewleta tirke huqûqê xo zî binpay kerd û Îmrali de sîstemê tecrîd-îşkenceyî afirna. Nê sîstemî de qet heq, huqûq çîn o.Çarçewaya dişmenîya vera kurdan û planê tesfîyekerdişî de Rayber Apo binê tecrîdê giranî de yeno tepiştene. 44 mengî yo ke Îmraliyî ra qet xeberêke nîna girewtene. Îqtîdarê AKP-MHPyî yo ke benvegîya hêzan û dezgehanê mîyanneteweyîyî ra paştî geno sîstemê îşkenceyî yê Îmraliyî heme zîndanan û vera komelî ano ca.

Ma sey KCDK-E, dostan û şarê kurdî veng danê CPT, Konseya Ewropa, Neteweyanê Yewbîyayeyan ke wa semedê wedaritişê tecrîdê Îmraliyî cade heyetêk bişawê Tirkîya. Ma vera komplo û tecrîdî, semedê azadîya fîzîkîye ya Rayber Apoyî mabênê rojanê 1-16ê teşrîna peyêne de seferberîye îlan kenê û semedê tewrbîyayîşê çalakîyan ke do nê tarîxan de bêrê kerdene,veng danê. 16ê teşrîna peyêne de do Koln de bi slgoana 'Ocalanî rê Azadîye'  rayraşîyayîşo merkezî yê Ewropa bêro kerdene. Ganî şarê kurdî, dostî û hetê demokratîkî vera tecrîd, îşkence û bêhuqûqîye verê xo bidê Kolnî.''